Analisti Afrim Krasniqi, drejtues i Institucionit të Studimeve Politike, ka komentuar në A2 raportin e Freedom House, duke u shprehur se gjendja aktuale në Shqipëri është edhe më e rëndë.
Krasniqi thekson se ky është një raport mjaft i rëndësishëm dhe për këtë duhet të ketë një reagim nga mazhoranca, parlamenti, presidenti dhe opozita.
“Rezultati që është dhënë aty për Shqipërinë është shumë më pozitiv sesa është gjendja aktuale në vend. Në fund farë, në statistikat politike dhe historike, Shqipëria e vitit të kaluar është shteti i vetëm demokratik i botës ku u bënë zgjedhje pa opozitës. Qoftë edhe ky argument tregon se është një devijim tërësor nga standardet dhe praktikat normale parlamentare dhe politike. Po ashtu, dorëzimi i mandateve në mënyrë kolektive nga opozita është një rast unikal. Këto janë dy elementë që na bëjnë të veçantë nga të tjerët, ndërsa elementi i tretë lidhet me garancinë. Ne ishim i vetmi vend demokratik apo kandidat për vend demokratik në botë që nuk patëm gjykatë kushtetuese dhe gjykatë të lartë. Për këto arsye, pritej që vlerësimi të ishte ngelës. Fakti që në Shqipëri kjo pritet si një gjë normale”
“Konceptet demokratike në Shqipëri të rriskuara”
“Përplasjet politike nuk janë gjithmonë një zhvillim pozitiv, por nuk janë as negative sepse nëse në fund fare konflikti zgjidhet në rrugë institucionale ka elementë të demokracisë. Problemi i madh në raste si Shqipëria është se përplasjet kalojnë nga përplasje politike në përplasje individuale dhe pastaj institucionale. Fati i zhvillimeve varet pastaj nga humori dhe sjellja e individit. Për këtë arsye, unë e shoh situatën në Shqipëri dhe konceptet demokratike në Shqipëri shumë më të rriskuar se sa në vende të tjera. Të mos harrojmë se ky raport është për vitin e kaluar, kur në 6 mujorin e dytë nuk pati asnjë zhvillim të rëndësishëm politik në vend, asnjë protestë dhe asnjë incident. Kjo do të thotë se nuk është llogaritur se çfarë ka sjellë në Shqipëri situata e tërmetit, situata e pandemisë, të cilat e kanë rënduar konceptin e demokracisë”.
“Ka filluar rënia e lirë e kurbës për këtë mazhorancë”
“Ne si institut kemi paraqitur pafundësisht të dhëna për të treguar që institucioni i Parlamentit në Shqipëri është formal, duke u kthyer në një shtojcë të qeverisë. Por janë një sërë faktorësh të tjerë që e bëjnë edhe më alarmante situatën. Nëse shohim kurbën e ecurisë së tranzicionit, mazhorancat në mandatin e dytë kanë nivel të lartë korrupsioni, kanë pamundësi për reforma, nuk kanë vullnet dhe gjithmonë kanë tregues negativë. Kurba aktuale tregon se në vitin 2013-2014, kemi pasur një rezultat që mund të krahasohet me të sotmin, por në periudhën tjetër kemi pasur rritje. Kjo do të thotë se ne e kemi bërë kurbën rritëse, kemi marrë maksimumin pozitive të kësaj mazhorance dhe tashmë kë filluar rënia e lirë e kurbës dhe ky është një lajm negativ, pasi mazhoranca mendon se është në kulmin e pushtetit. Të dhënat tregojnë se mazhoranca zotëron 80-90% të të gjitha pushteteve, por ushtrimi i pushtetit nëpërmjet kësaj mazhoranca është i gabuar, në bazë të të dhënave dhe me kosto për shqiptarët”.
“Raporte të tilla bëjnë pjesë në dosjen politike për Shqipërinë”
“Raporte të tilla bëjnë pjesë në dosjen politike për Shqipërinë të çdo kryeministri, presidenti, çdo lideri në vend. Nuk është një raport që mund të injorohet, pasi nuk është një produkt shqiptar, por prestigjioz. Në këtë rast do të duhet të kishim një debat parlament ose një debat politik, të tillë që krijon mundësi të korrigjojë problematika dhe të mundësojë një strategji dalje nga kjo situatë. Por, në kushtet aktuale kjo është e pamundur. Ajo që po ndodh aktualisht dhe duhet të ndodhte aktualisht, qytetarët shqiptarët duhet të bëjnë me kishte liderët politikë. Përgjegjësia duhet të fillojë nga qeveria, me një përgjigje zyrtare, nga parlamenti, presidenti, i cili duhet të heqë dorë nga retorikat dhe aksionet, të cilat e kalojnë kornizën presidenciale dhe nga opozita që duhet të kthehet në alternativ. Nëse mungojnë këto elementë, gjithçka do të jetë humbje shanset që i afrohen një vendi si Shqipëria”./A2News.com
