Një 51-vjeçar nga Korça, i shpallur në kërkim ndërkombëtar, është arrestuar në Greqi dhe është ekstraduar nëpërmjet Pikës Kufitare të Kapshticës drejt vendit tonë.
Bëhet fjalë për shtetasin Bernard Bylykbashi, 51 vjeç, banues në fshatin Lumalas, Korçë
Këtë shtetas Gjykata e Rrethit Gjyqësor Korçë me vendimin nr. 190, datë 26.04.2012, e ka dënuar me 5 vjet burg, për veprat penale “Prodhimi dhe shitja e narkotikëve” dhe “Kalimi i paligjshëm i kufijve”.
Gjithashtu nga shërbimet e Policisë Korçë është vë në pranga dhe një shtetas tjetër në kërkim kombëtar për veprën penale “Kultivimi i bimëve narkotike”.
Bëhet fjalë për shtetasin A.D., 49 vjeç, banues në Tiranë.
Ndalimi i tij u bë pasi, Gjykata e Rrethit Gjyqësor Korçë me vendim nr. 304, datë 18.07.2016, ka caktuar ndaj këtij shtetasi masën e sigurisë “Arrest në burg”, për veprën penale “Kultivimi i bimëve narkotike”.
Materialet në ngarkim të tyre i kaluan Prokurorisë Pranë Gjykatës së Shkallës së Parë Korçë.
