Policia e Tiranës ka arrestuar një person të shpallur në kërkim kombëtar në kuadër të operacionit “Koordinata”.
Në pranga është vën shtetasi S. R., 32 vjeç, banues në Tiranë, i cili fshihej në një banesë të marrë me qira.
Ky shtetas ishte shpallur në kërkim nga Komisariati i Policisë Nr. 6, pasi Gjykata e Rrethit Gjyqësor Tiranë i ka caktuar masën e sigurimit “Arrest në burg”, për veprën penale “Armëmbajtja pa leje”, si dhe e ka dënuar me 4 muaj burg, për veprën penale “Kundërshtim i punonjësit të policisë”.
32-vjeçari ishte dënuar më parë për vjedhje, për shkatërrim prone, për armëmbajtje pa leje dhe për organizim të lotarive të palejuara.
