13 raste të reja, 2 viktima dhe 44 të shëruar është bilanci i 24 orëve të fundit të COVID-19 në Maqedoninë e Veriut.
Autoritete konfirmuan se në 24 orët e fundit janë testuar 292 persona dhe 13 prej tyre kanë rezultuar pozitiv. Rastet e reja janë: 1 në Kumanovë, 3 në Prilep, 3 në Tetovë, 5 në Veles dhe 1 në Manastir.
Në total numri i të infektuarëve në Maqedoninë e Veriut ka arritur në 1539.
Ndërkohë që kanë ndërruar jetë dhe dy persona të tjerë me COVID-19, duke e çuar në 88 numrin total të viktimave në vend.
Në spitalin “8 shtatori”, ka ndërruar jetë një pacient i moshës 55 vjeçe, nga Prilepi i cili ishte hospitalizuar me 22 prill, ndërkohë që 13 ditë ka qenë i kyçur në aparatet për frymëmarrje. Në spitalin e Manastirit ka ndërruar jetë një pacient i hospitalizuar më 4 maj.
Gjatë 24 orëve të fundit, betejën me COVID-19 në Maqedoninë e Veriut e kanë fituar dhe 44 persona të tjerë, duke e çuar në 1057 numrin total të të shëruarëve.
