Është refuzuar kërkesa e avokatëve të ish-drejtorit të Policisë së Vlorës, Jaeld Çela, për ndryshimin e trupit gjykues, që do të trajtojë çështejn në Gjykatën e Posaçme të Apelit.
Kërkesa është bërë në seancën e fundit me 28 prill me pretendimin se kanë gjykuar çështje të tjera të bashkëlidhura.
Çështja e Saimir Tahirit dhe Jaeld Çelës gjykohet nga gjyqtaret Albana Boksi, Nertina Kosova dhe Nure Dreni. Seanca e radhës në Gjykatën e Posaçme të Apelit do të zhvillohet në datën 14 maj, ora 10:30.
Tahiri u dënua me 5 vite burg, vitin e kaluar, të konvertuara me gjykim të shkurtuar në 3.4 vite shërbim prove dhe dënimi u dha për shpërdorim detyre.
Prokuroria e Krimeve të Rënda nga ana tjetër kërkonte 12 vite burg për Tahirin për 3 vepra penale “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”.
Si përfundim të dyja palët, si Tahiri dhe Prokuroria nuk pranuan dënimin me 3.4 vite shërbim prove dhe e apeluan zyrtarisht në Gjykatën e Posaçme të Apelit që që nga java tjetër do të fillojëme gjykimin e dosjes.
Prokuroria e akuzonte Tahirin se në kohën kur ishte ministër i brendshëm bashkë me ish- drejtorin e Policisë Vlorë, Jaeld Çela kanë bashkëpunuar me Moisi Habilajn apo vëllezërit e tij që bashkë korrespondojnë të jenë kushërinj.
