Sindikata e Futbollistëve Profesionistë Shqiptarë (SFPSH) ka njoftuar se ditën e shtunë do të bëhet një mbledhje në lidhje me problematikat e futbollistëve.
Pandemia e coronavirusit ka vendosur në vështirësi financiare klubet dhe futbollistët , të cilët në mungesë të mbështetjes nga shteti shqiptar, tashmë shpresën e vetme e shohin tek rifillimi i futbollit.
Pikërisht për rikthimin e aktivitetit futbollistik, qeveria shqiptare, nuk ka vendosur ende, teksa ky është një problem për të cilin SFPSH do të diskutojë në mbledhjen që do bëhet.
Njoftimi i SFPSH:
“Në këtë situatë të vështirë që po kalon futbolli shqiptar, ndihma për futbollistët po bëhet çdo ditë e më pak e prekshme, ku kërkesat ndaj organeve kompetente nuk po adresohen. SFPSH në datë 09.05.2020, ora 11.00, pranë ambienteve të Sindikatës (duke aplikuar kushtet e mbrojtjes ndaj COVID-19), do të organizojë një mbledhje në të cilën do të jenë vendosur në rendin e ditës çështjet:
–Rrogat e prapambetura
-Mosfillimi i kampionatit
-Kontrata Kolektive
