Ditën e sotme 128 shqiptarë kanë mbërritur në aeroportin e Rinasit përmes fluturimit Frankfurt-Tiranë.
Ata kanë qenë të mbyllur në Gjermani për shkak të masave të marra prej përhapjes së koronavirusit dhe më në fund janë rikthyer në atdhe.
Për herë të parë për ta do të aplikohen rregullat e reja të vendosura nga qeveria për karantinim, ku personat te cilët kanë vendbanim tek zonat e gjelbra do të karantinohen në hotelet e certifikuara ndërsa ato me vendbanim në zonat e kuqe do të vetëkarantinohen në shtëpi.
Ndërkohë Zyrihu i shtohet listës së vendeve nga ku do të bëhet riatdhesimi i shqiptarëve të cilët kanë mbetur të bllokuar jashtë vendit si pasojë e COVID-19.
Ministria e Infrastrukturës dhe Energjisë ka bërë publike data e fluturimeve, pjesë e së cilave është edhe Zyrihu.
