“Në mos në gjysmën e rrugës dhe kemi ende sfida për t’u përballur në të ardhmen”. Me ketë mesazh, mjeku Tritan Kalo u bën apel qytetareve që në ketë faze të re të lehtësimit të masave të bëjnë shumë kujdes.
Mesazhin që jep ai për gjithë qytetarët e ka publikuar në FB, Ministrja e Shëndetësisë, Ogerta Manastirliu.
Mjeku, nga Spitali Infektiv COVID-1, u bën thirrje qytetarëve të vijojnë zbatimin e masave dhe kujdesin maksimal, pasi siç thotë ai, covis nuk e ka shfaqur ende tablonë e plotë të problematikave.
“Ju drejtohem nga Urgjenca e Infektivit në QSUT, e përcaktuar si COVID-1. Ju drejtohem me thirrjen, që me hapjen e masave, të mos liberalizoni ose përkeqësobin shkallën e përkujdesjes ndaj veteës, sepse jemi ende në mos në gjysmën e rrugës dhe kemi ende sfida për t’u përballur në të ardhmen. Kujdesi ndaj vetes, kujdes ndaj të tjerëve, higjiena personale dhe kolektive, ushqyerja e shëndetshme, respektimi i rregullave, jo vetëm që nuk duhen nënvlerësuar, por duhen theksuar gjithnjë e më tej, sepse COVID-19 ende nuk e ka shfaqur tablonë e plotë të problematikave që ka”, shprehet mjeku Kalo.
