Është ekzekutuar në orët e para të mëngjesin e sotëm operacioni i koduar “Shoes” nga autoritetet e policisë financiare të Catania.
Në pranga janë vënë 25 persona, pasi akuzohen për trafikim lëndësh narkotike.
21 prej tyre ndodhen në burg dhe 4 në arrest shtëpiak me akuzën e bashkëpunimit në organizim kriminal për trafik lëndësh narkotike të tipit marijuanë, kokainë, hashash dhe kokainë crack, rënduar nga akuza e bashkëpunimit me klanin mafioz të Cosa Nostra ” Santapaola- Ercolano” si dhe për armëmbajtje pa leje.
Hetimet kanë zbardhur aktivitetin e të arrestuarve në grupe të ndryshme kriminale si ato shqiptare, kalabreze laziale dhe atyre që vepronin në territorin e Campanias.
Në flagrancë janë arrestuar 6 korrierë droge dhe janë kapur 4 kg kokainë, 52 kg marijuanë e 25 kg hashash.
Nën sekuestro janë vënë një aktivitet sipërmarrës e 2 pasuri të patundshme. Gjatë ditës priten të zbardhen detajet e operacionit.
