Mbrojtësi i Kombëtares së Kosovës, Fidan Aliti, ka përfunduar në radarët e skuadrës turke, Besiktas.
Lajmi i bujshëm publikohet nga mediat turke sipas të cilave, Aliti pëlqehet shumë nga drejtuesit e klubit nga Stambolli të cilët do ta bëjnë një tentativë për ta afruar atë në Superligën turke.
Aktualisht 26-vjeçari aktivizohet me klubin suedez, Kalmar, aty ku me paraqitjet e tij mbresëlënëse ka merituar këtë interesim të Besiktas.
Në rast se një marrëveshje mes Aliti-t dhe gjigandit turk do të realizohet, atëherë klubi i Superligës, Skënderbeu ka arsye të buzëqeshë. Aliti u largua nga korçarët një vit më parë për rreth 150 mijë euro dhe nga sa mësohet korçarët kanë ruajtur një përqindje të kartonit të 26-vjeçarit dhe mund të përfitojnë të ardhura të tjera nga rishitja e tij.
