Në Kosovë, një person ka vdekur si pasojë e hedhjes nga kati i pestë i njërit prej konvikteve, ku po qëndronte në karantinë.
Lajmin e ka konfirmuar për mediat kosovare, zëdhënësi i Policisë, Daut Hoxha.
“Me datë 03.05.2020, rreth orës 17:20, ekipet e emergjencës dhe Policia kanë shkuar te Qendra e Studenteve dhe një person është përcjell me autoambulance në drejtim të Klinikes Emergjente. Njësitet e policisë dhe forenzika kanë dalë në vendin e ngjarjes dhe pas procedurave hetimore do të sqarohen rrethanat tjera”, ka thënë ai.
Zyrtarisht, QKUK ka konfirmuar se ka vdekur një pacient që është dërguar nga Qendra e Studentëve, por nuk kanë dhënë detaje tjera.
KOHA raporton se personi është 26 vjeçar.
