Drejtori sportiv i Juventusit, Fabio Paratici, ka zbuluar që klubi i Juventusit është në bisedime me Barcelonën rreth planeve të tyre në merkaton e verës.
Raportimet e fundit kanë bërë me dije se mes bardhezinjve dhe katalanasve ekziston një komunikim i vazhdueshëm për një shkëmbim të mundshëm mes Miralem Pjaniç dhe Arthur Melos. Këto lajme duket se i ka konfirmuar edhe vetë Paratici i cili ka deklaruar:
Bisedimet me Barcelonën rreth shkëmbimit Arthur-Pjaniç? “Aktualisht po bisedojmë me Barcelonën ashtu siç bëjmë me shumë klube të mëdha, sepse kjo verë do të jetë ndryshe nga të tjerat”.
“Kemi nevojë për ide të reja, këmbim mes lojtarëve apo diçka ndryshe në merkaton e ardhshme. Tashmë është e qartë se çdo klub do të shpenzojë më pak para, kështu që shkëmbimet mes lojtarëve do të ishte diçka më kreative dhe e sigurt për klubet”. – ka thënë ai për SkySport
https://twitter.com/FabrizioRomano/status/1256924463024742400?ref_src=twsrc%5Etfw%7Ctwcamp%5Etweetembed%7Ctwterm%5E1256924463024742400&ref_url=https%3A%2F%2Fwww.barcablaugranes.com%2Ffc-barcelona-transfer-rumors-news%2F2020%2F5%2F3%2F21245597%2Ffabio-paratici-says-juventus-are-talking-to-barcelona-amid-pjanic-arthur-rumors
