Shitjet e prezervativëve në Britaninë e Madhe kanë marrë një goditje të fortë pasi mundësitë për intimitet janë zvogëluar për shkak të izolimit, thotë the Guardian.
Çifteve të rregullta, ato nuk i nevojiten shumë, ndërsa ka rënë nga ana tjetër numri i takimeve dhe kërkesa për kondomë nga çifte që nuk jetojnë bashkë. “Seksi i rastësishëm nuk futet në asnjë kategori të “veprimtarisë thelbësore””, vazhdon gazeta. Edhe në Itali është ulur ndjeshëm niveli I blerjes së prezervativëve.
Ankthi është një tjetër faktor përvec distancës që ka ndikuar në reduktimin e dëshirës për intimitet. Bastevënësit kanë parashikuar një “bum” të bebeve në 2021 për shkak të karantinës, të cilën e shohin si një moment të mirë për të ngjizur një fëmijë. Megjithatë, disa ekspertë nuk bien dakort me këtë parashikim e thonë se provat po dëshmojnë të kundërtën.
Në Kinë sakaq, ku masat izoluese janë hequr, shitja e prezervativëve ka shënuar sërish rritje.
