Lajmi se Mira Kazhani dhe Bieta Sulo figurojnë të punësuara në Ujësjellës Kanalizime të Tiranës, dhe marrin rroga të majme për realitetin shqiptar po bën xhiron e rrjetit.
Së fundmi ka qenë Edison Ypi ai që ka bërë një koment pikant në drejtim të Kazhanit, të cilës i kërkon që të tregojë më në fund se çfarë është, portaliste apo blogistem adhuruese eurosh apo simpatizante bordesh.
“Mira Kazhani duhet të qartësojë çfarë është; Komuniste, portaliste, blogiste, qeflie leku, qeflesh rrogash, adhuruese eurosh, simpatizante bordesh, hidraulikse, kanaliste, tubiste, pompiste, vaditëse, ujitëse, ujësjellëse, ujëndjellëse, ujërrjedhëse, ujëhedhëse, ujëhapëse, ujëmbyllëse, ujështrydhëse, ujëpirëse, ujëthithëse, asnjëra, disa, apo të gjitha”, shkruan Ypi në komentin e tij në rrjetet sociale.
Kujtojmë që gazetaret Mira Kazhani dhe Bieta Sulo figurojnë të punësuara në UKT. Mira Kazhani si këshilltare ekonomike dhe paguhet 83000 mijë lekë ndërsa Bieta Sulo si specialiste dhe paguhet 55000 mijë lekë.
Bieta dhe Mira nuk kanë dhënë ende një përgjigje publike në lidhje me këtë lajm. Ndërkohë që Bieta vazhdon transmetimin e emisonit të saj “Ftesë në 5”, Mira ka bllokuar komentet në Instagram pasi shumë ndjekës i kërkonin një përgjigje.
