Barcelona vazhdon të punojë në heshtje për të përforcuar skuadrën e tyre për sezonin e ardhshëm. Drejtuesit teknikë të klubit po ngushtojnë objektivat e merkatos së verës dhe reparti i cili kërkon më shumë vëmendje nga katalanasit është ai i sulmit.
Në këtë drejtim, i preferuari i zikaltërve është Lautaro Martínez dhe duket se lëvizjet e klubit të Barçës po shlyhen. Fakti është që Lautaro Martinez dëshiron një transferim te gjigandët spanjollë. Prej kohësh, Lautaro nuk po i përgjigjet kërkesave të Interit për të zgjatur kontratën e tij, diçka që të sugjeron se lojtari nuk do të vazhdojë më në Milano. – raporton Mundo Deportivo.
22-vjeçari e di se interesimi i Barçës ndaj tij është i vërtetë e i vendosur dhe ai nuk dëshiron ta humbasë këtë mundësi. Qëndrimi i Interit nga ana tjetër, ka lënë të kuptohet se klubi nuk dëshiron të humbasë një lojtar të shkëlqyeshëm si Martinez, por nëse futbollisti e bën publike dëshirën për tu larguar, ata janë të gatshëm ta lënë të lirë nëse e konsiderojnë të mjaftueshme ofertën e Barcelonës.
