Për 24 orët e fundit, autoritet e shëndetësisë konfirmuan 9 raste të reja me COVID-19, ku 5 prej tyre ishin në Tiranë dhe 4 në Krujë.
Por, përveç uljes së numrit të të prekurëve, lajmi i mirë është se në disa qytete koronavirusi është drejt zhdukjes pasi janë shëruar të gjithë të prekurit.
Janë tetë bashkitë Durrësi, Hasi, Kavaja, Vlora, Puka, Rrogozhina, Tropoja dhe Mallakastra, të cilat kanë zero raste aktive me COVID-19.
Numri i të shëruarëve në vendin tonë po rritet dita-ditës. Nga të dhënat e MSH, janë 488 pacientë, që kanë fituar betejën me virusin e rëndë, ndërsa 263 të tjerë vijojnë të marrin mjekim.
