Rreziku nga Coronavirusi vazhdon edhe pse disa prej nesh mund ta kenë kaluar atë. Pikërisht diçka e tillë i ka ndodhur luftëtarit shqiptar që merr pjesë në MMA, Dennis Buzukja. Përmes një statusi në “Facebook”, ai tregon momentin se si e mësoi ai që ka qenë I infektuar me COVID-19.
“Isha shumë sëmurë në janar dhe zakonisht nuk sëmurem kollaj. Gjithçka ndodhi përpara garës për titull dhe mbaj mend që kam ndenjur në shtrat për katër ditë. Nuk mund të haja shumë, pasi më kishte ikur dhe shqisa e shijimit. Më dukej sikur fusja baltë në gojë. Megjithatë më duhej të kthehesha në stërvitje, pasi më priste një ndeshje shumë e rëndësishme.
”Nuk më kishte ndodhur kurrë që mbas stërvitjes të isha aq i lodhur dhe të mos kisha fuqi. Arrita deri aty sa kisha nevojë për një pompë oksigjeni sepse nuk mund të merrja frymë thellë. Duke mos e ditur për Covid-19, mendova se ishte nga sistemi imunitar i dobët. Më pas kur bëra testin e antitrupave, rezultoi që kisha qenë më parë pozitiv me Coronavirus dhe tashmë e kam kaluar”, ka thënë Buzukja.
