Tre raste të reja me COVID-19 janë shtuar në qytetin e Krujës, e cila është kthyer së fundmi në një vatër të nxehtë infeksioni në vendin tonë për shkak të rasteve në fasoneri.
Në 24 orët e fundit mësohet se nga ky qytet janë marrë tamponët e 24 personave dhe tre prej tyre kanë rezultuar pozirtiv me COVID-19.
Mësohet se një prej tyre është punonjëse në një nga fasoneritë e qytetit, ndërsa dy të tjerët janë raste kontakti të saj.
Pas këtyre tre rasteve arrin në 105 numri i të prekurve në Krujë, ndërkohë që zyrtarisht, sipas Ministrisë së Shëdetësisë, deri më tani janë 102 raste në këtë qytet.
Në rang kombëtar autoritete e shëndetësisë deri tani kanë konfirmuar 766 të infektuar në total, ku 31 prej tyre kanë ndërruar jetë, ndërsa 455 janë shëruar.
