Si një film aksion mund të konsiderohet operacioni i policisë greke në ndjekje të një të riu shqiptar.
Ngjarja ka ndodhur dy ditë më parë në Zografou të Athinës, ku autoritetet greke tentuan ta ndalonte shqiptarin, i cili ndodhej në një makinë të bardhë.
Por sapo ka pikasur policinë, i riu i ka dhënë gaz makinës duke u përpjekur të largohej. Tentativa për t’i shpëtuar policisë dështoi nga të shtënat me armë të policisë greke dhe më pas përplasja e makinës së shqiptarit me dy pemë, raporton Zougla.gr
Pas përplasjes, i riu përsëri tentoi të largohej duke dalë nga makina, por nuk ia doli pasi u vu në pranga nga policia.
Pas arrestimit, policia zhvilloi edhe një operacion ku jetonte i riu shqiptar, i cili ka qenë i njohur për drejtësinë greke në fushën e vjedhjeve.
Hetimet e policisë vazhdojnë, pasi janë në kërkim edhe persona të tjerë, të cilët dyshohet se kanë lidhje me të riun shqiptar.
