Policia kufitare në Kapshticë ka arrestuar një shofer kamioni, pasi i janë gjetur medikamentesh farmaceutike të dyshuara si kontrabandë.
Në pranga është vënë shtetasi V. S., 30 vjeç, banues në Korçë.
“Shërbimet e Stacionit të Policisë Kufitare Kapshticë, në hyrje të Republikës së Shqipërisë, gjatë kontrollit të ushtruar në vijën e dytë, të mjetit tip kamion me drejtues shtetasin V. S., në kabinë, konstatuan një kuti me lloje të ndryshme medikamentesh farmaceutike të dyshuara si kontrabandë, të cilat iu sekuestruan në cilësinë e provës materiale.” thuhet në njoftimin e policisë.
Materialet i kaluan Prokurorisë Pranë Gjykatës së Shkallës së Parë Korçë për veprime të mëtejshme.
