Portieri i Partizanit, Alban Hoxha, ka deklaruar se ndeshja më e bukur në karrierën e tij është ajo ndaj ekipit hungarez Ferencvaros, ndeshje ajo e vlefshme për raundin e dytë e kualifikueseve për në Ligën e Kampioneve.
Duke folur në emisionin “FanZone” në SuperSport, 32-vjeçari ka deklaruar gjithashtu se e respekton Tiranën por dëshiron që karrierën ta mbyllë të Partizani.
“Ndeshja më e bukur në karrierë: Sfida kundër Ferencvaros? Kanë kaluar 4 vite nga ajo ndeshje dhe akoma njerëzit në rrugë më thonë si i prite penalltitë dhe si shënove me panenka? Pa diskutim ajo është ndeshja më e bukur në karrierën time.
Transferimi i mundshëm te Tirana? E respektoj shumë si klub. Megjithatë, dëshira ime është ta mbyll te Partizani, por asnjëherë nuk i dihet.
