Ikona e futbollit italian, Fabio Cannavaro, ka zbuluar se ai ‘ëndërron’ që një ditë të drejtojë skuadrën e Real Madrid ose kombëtaren italiane.
Italiani momentalisht po drejton ekipin e Guangzhous ndërsa e ka shpallur dhe kampionë të Superligës Kineze, ndërsa ende nuk ka provuar asnjë aventurë Evropiane.
“Kam filluar të punoj si trajner dhe ëndërroj që të drejtoj Real Madridin një ditë. Dua të mendoj për gjëra të mëdha, prandaj them Realin, kombëtaren e Italisë dhe ndonjë klub tjetër të madh”, – tha ai për Madrilista Real.
46-vjeçari është mbrojtësi i vetëm që e ka fituar Topin e Artë pas triumfit në Kupën e Botës në Gjermani në vitin 2006.
