Kompania gjigande farmaceutike AstraZeneca ka pranuar marrëveshjen për të prodhuar vaksinën anti- COVID të krijuar nga universiteti i Oksfordit.
Partneriteti i tyre është i pari i krijuar që kur qeveria e Mbretërisë së Bashkuar krijoi Task Forcën dy javë më parë për të ndihmuar në gjetjen e një vaksine kundër koronavirusit.
Marrëveshja është pranuar që të mos ketë asnjë përfitim prej palëve si dhe vaksina të përdoret nga e gjithë bota nëse rezulton e efektshme.
Provat e vaksinës të zhvilluara tek njerëzit nga Instituti Jenner dhe Oxford Vaccine Group hynë në testimin e fazës së parë javën e kaluar, ku morën pjesë qindra vullnetarë të moshës 18 deri në 55.
“Ndërsa COVID-19 po vazhdon kontrollin e tij në botë, nevoja për një vaksinë për të mposhtur virusin është urgjente,” Pascal Soriot, Shefi Ekzekutiv i AstraZeneca AZN, tha në një deklaratë të enjten.
Tashmë eksperimenti anti- COVID i Oksfordit quhet ChAdOx1 nCoV-19. Filloi javën e kaluar dhe pritet që rezultatet e para tek njerëzit të dalin në mes të qershorit.
