Një pacient 71-vjeçar, i konfirmuar me COVID-19, në gjendje të rëndë prej 1 muaji, me insuficiencë respiratore akute, ka ndërruar jetë në spitalin “Shefqet Ndroqi” mbrëmjen e sotme.
Pacienti 71-vjeçar me inicialet B.S., nga Shkodra, me pneumoni bilaterale, që vuante dhe nga sëmundje bashkëshoqëruese diabet, insuficiencë kardiake, hipertension, anemi kronike, megjithë asistencën e specializuar mjekësore në reanimacionin e spitalit “Shefqet Ndroqi”, nuk arriti të mbijetojë.
31 qytetarë nuk e kanë fituar dot betejën me COVID-19. Deri tani në vendin tonë numri i të prekurve me Covid-19 ka shkuar në 766 persona. Gjatë 24 orëve të fundit u testuan 270 individë nga të cilët 16 rezultuan pozitivë me Covid-19. 9 raste ishin në Tiranë ndërsa 5 të tjerët në Krujë.
