Një aksident me pasojë vdekjen e një 29 vjeçari ka ndodhur pas mesante në Divjakë. I vdekur ka mbetur shtetasi Alban Petro.
29 vjeçari i cili udhëtonte me një motorçikletë ka goditur nga pas një automjet tip Volswagen. Sipas një rindërtimi paraprak të ngjarjes nga policia lokale, automjeti që u godit nga 29 vjeçari po transportonte një grua shtatzënë për në spital.
Një patrullë policie që ndodhej në vendngjarje ka bërë me shenjë për të ndaluar drejtuesin e mjetit, por pas tij ka qenë drejtuesi i motorçikletës ku po udhëtonte me shpejtësi të lartë.
Tentativat e 29 vjeçarit për të shmangur aksidentin rezultuan të kota. Është dashur ardhja e dy autoambulanca për të transportuar në spital gruan shtatëzënë dhe drejtuesin e motorçikletes. Ky i fundit humbi jetën pak pas mbërritjes në spital.
“Eshtë shoqëruar në Komisariatin e Policisë Lushnje drejtuesi i automjetit, shtetasi Q.K dhe po kryhen veprimet proceduriale. Grupi hetimor po punon për zbardhjen e plotë të ngjarjes”, njoftoi policia.
