Dy ngjarje të rënda janë në qytetin e Elbasanit paraditen e kësaj të mërkure.
Një 70 vjeçar, banues në një fshat të Elbasanit, teksa po priste në rradhë të merrte shërbim në sportelet e një Banke të nivelit të dytë është rrëzuar papritur dhe është përplasur mbi një bordurë duke dëmtuar rëndë edhe kokën.
Personi në fjalë i identifikuar si Bashkim Balla është transportuar me urgjencë në spital, por ka ndërruar jetë menjëherë. Paraprakisht dyshohet se mund të ketë pësuar atak në zemër. Gjithsesi autopsia do përcaktojë shkakun e vdekjes së tij.
Ndërkaq po në qytetin e Elbasanit një burrë i ka dhënë fund jetës duke u vetëvarur në rrethana ende të paqarta për të afërmit e tij. Gjatë kësaj jave në Qarkun e Elbasanit jane rregjistruar disa raste vetëflijimi.
