Arthur Melo ka lëshuar një deklaratë mbi spekulimet që qarkullojnë në lidhje me të ardhmen e tij.
Mediat në Spanjë dhe Itali kanë bërë të ditur, se tashmë Barcelona ka dhënë “bekimin” e saj për të lejuar Juventusin të fillojë negociatat me brazilianin. Sidoqoftë duket se këto tratativa janë të destinuar të dështojnë akoma pa nisur mirë.
Arthur Melo është shprehur i prerë se nuk ka ndërmend të lëvizë nga Barcelona dhe se katalanasit janë i vetmi klub në mendjen e tij.
“Gjithmonë do të ketë spekulime në tregun e transferimeve, por planet e mia janë të qarta; I vetmi opsion që më intereson është qëndrimi te Barcelona. Në këtë aspekt jam i qetë dhe i relaksuar. Jam shumë I lumtur këtu dhe dua të falënderoj klubin dhe stafin teknik për besimin që kanë treguar për mua. Kjo është një arsye më shumë për mua që ta them hapur që dëshira ime është të vazhdoj këtu” – ka deklaruar 23-vjeçari për mediat.
