Dy pacientë të tjerë kanë ndërruar jetë për shkak të COVID-19 në Veri të Kosovës, duke e çuar në 8 numrin e viktimave në këtë zonë.
Lajmin e ka bërë të ditur epidemiologu Aleksandër Antonijeviq.
“Në repartin e kraharorit torakal të Mitrovicës ndërroi jetë një grua nga Leposaviqi (1948), e prekur nga COVID-19, por vdiq nga pasojat e infarktit të miokardit. Ajo u testua në mbrëmje dhe ishte pozitive për koronavirus”, tha Zlatan Elek nga spitali në veri të Mitrovicës.
Në total numri i pacientëve që kanë humbur betejën me koronavirusin ka arritur në 24 viktima.
Antonijeviq, gjatë konferencës së rregullt për shtyp, bëri me dije se në veri të Kosovës, janë zbuluar dy raste të reja me COVID-19, po ashtu ka thënë se katër persona janë shëruar.
