Ditën e sotme, Gjykata e Fierit ka dhënë masën e sigurisë për punonjësin e policisë Anxhelo Bardhi dhe shokun e tij Daniel Risten, të cilët dhunuan gazetarin Xhoen Osmënaj disa ditë më parë në qendër të qytetit të Fierit.
Gjykata ka vendosur masën “detyrim paraqitje”, për punonjësin e policisë Angelo Bardhi dhe “arrest shtëpie”, për Daniel Risten.
Mbi ta rëndojnë akuzat për veprat penale të “Kanosjes”, “Prishjes së qetësisë publike” dhe “Shkatërimit të pronës” kryer në bashkëpunim.
Anxhelo Bardhi ka qenë punonjës i patrullës në Stacionin e Policisë Roskovec dhe u pezullua nga detyra menjëherë pas ngjarjes dhe më pas u arrestua së bashku me shokun e tij.
Ai ka qënë jashtë orarit të shërbimit, civil por kjo nuk e ndaloi të nxjerë tabelën dhe të tentojë të ndalojë një makinë, e cila drejtohej nga 23 vjeçari Xhoen Osmenaj.
Pasi e ndalon, polici i shoqëruar nga Daniel Risten shkon dhe e qëllon me një çekiç xhamin e makinës dhe më pas e qëllojnë edhe me grushte.
23 vjeçari ka qenë duke udhëtuar së bashku me një shoqe në momentin që është goditur nga polici dhe shoku i tij.
Mësohet se gjithë ngjarja ka ndodhur pasi polici pretendon se gazetari kishte dalë me të dashurën e tij.
