Ronaldinho ka folur për herë të parë për periudhën që kaloi në burgun e Paraguait. 40 vjeçari për momentin po mbahet në një hotel në Paraguai, ku po vuan arrestin shtëpiak.
Legjenda e futbollit Brazilian, së fundmi ka dhënë një intervistë për “ABC Color”, ku ka treguar se si e ka përjetuar situatën e vështirë në të cilën është gjendur.
“Asnjëherë nuk e imagjinoja të përjetoja një situatë si kjo, ishte një goditje shumë e fortë. Unë erdha në Paraguai për të promovuar një libër dhe një kazino online. Ishim tejet të surprizuar kur mësuam që dokumentet që dispononim ishin të rreme”.
“Nga ai moment e në vazhdim, qëllimi ynë ishte të bashkëpunonim me autoritet përkatëse për të sqaruar situatën. Shpresoj se kjo gjë do të mbarojë shpejt”.
Kur u pyet se si u trajtua ndërsa ishte i ndaluar, Ronaldinho kishte komplimente për mënyrën se si u prit nga personeli i burgut.
“Më mirëpritën me mirësi. Luajtëm futboll, nënshkrova shumë autografe dhe bëmë foto”. – ka thënë 40-vjeçari.
