Ish-futbollisti i Bayern Munich, Arjen Robben, ka thënë se është duke menduar t’i kthehet futbollit të luajtur pas më pak se një viti nga dalja në pension.
Robben i dha fund karrierës profesioniste verën e kaluar dhe e pranon se, derisa në fillim nuk i kishte munguar futbolli, tani ka nisur të mendoj për të luajtur përsëri.
Holandezi 36-vjeçar ka thënë për FC Bayern: “Në fillim nuk më mungonte aspak futbolli. Pastaj vjen një fazë e dytë kur ndihet thirrja e topit. Kohë pas kohe ndiej se dua të luaj”.
Robben kaloi dhjetë vjet te Bayern-i dhe bëri 309 paraqitje për klubin, duke shënuar 144 gola dhe duke dhënë 101 asiste.
Gjatë asaj kohe, ai i fitoi shumë trofe, përfshirë Ligën e Kampionëve, tetë herë Bundesligën dhe pesë herë Kupën e Gjermanisë.
