Një video e publikuar ditën e sotme nga Newsport.al, tregon qartë disa lojtarë të Partizanit, veçanërisht Lorenc Trashi, i cili shfaqet duke kënduar këngën e tifozëve të Tiranës: “Kush s’kërcen është morr i kuq”.
Në lidhje me këtë video kontroverse, ka reaguar vetë Trashi, i cili e ka ndjerë si të nevojshme për të sqaruar arsyet e kësaj videoje. 27-vjeçari ka deklaruar se gjithçka ka qenë në kuadrin e shakasë dhe se marrëdhënia e tij me tifozët dhe klubin e kuq është shumë e mirë.
“Së fundmi qarkullon një video në rrjetet sociale, ku emri im përdoret për të prishur marrëdhënien time të ngushtë me klubin dhe tifozët e Partizanit. Çdo shaka që bëhet mbetet mes familjes tonë të madhe dhe kjo duket shumë qartë, pasi ka shkaktuar shumë humor tek të gjithë ne.
“Besoj se nuk ka vend për të folur për marrëdhënien time me tifozët, që është relativisht shumë e mirë”, shkruan Trashi, i cili është prej gjashtë vitesh pjesë e Partizanit.
