Numri i të prekurve nga COVID-19 në mbarë botën ka kaluar shifrën 3 milionë.
Gjithsej në mbarë botën janë regjistruar 3 003 352 raste me koronavirus, sipas faqes së internetit “Worldometer”, që përpilon të dhënat në lidhje me pandeminë.
Numri më i madh i rasteve është regjistruar në SHBA, me 987 322 pacientë, ndërsa pas saj renditen Spanja me 226 629 raste, Italia me 197 675, Franca me 162 100, Gjermania me 157 770, Britania e Madhe me 152 840, Turqia me 110 130, Irani me 90 481 dhe Rusia me 87 147 raste.
Në Kinë, vendin e origjinës së virusit, janë konfirmuar 82 830 raste.
