Shifrat japin shpresë në Spanjë. Pas më shumë se një muaji për herë të parë është shënuar numri i vogël i viktimave nga COVID-19.
Në 24 orët e fundit kanë ndërruar jetën 288 persona, duke e çuar në 23 190 numrin total të viktimave në vend.
Shifrat u bënë me dije nga autoritetet vendase të shëndetësisë.
Ndërsa numri i të infektuarëve është rritur me 1729 më shumë se një ditë më parë duke e çuar në 207 634 në total.
Edhe numri i të shëruarve në Spanjë është rritur ndjeshëm, vetëm në 24 orët e fundit kanë fituar betejën me COVID-19 edhe 3024 pacientë, duke e çuar në 98 732 numrit total.
Shifra e të shëruare në një ditë është gati sa dyfishi i të infektuare të rinj.
