Ish-futbollisti maqedonas, Darko Pancev, ka rrëfyer se gabimi më i madh në karrierën e tij ishte se iu bashkua Interit në vitin 1992.
Fituesi i Këpucës së Artë në vitin 1991 me skuadrën serbe të Red Star Belgrade, konsiderohej si një nga futbollistët më të mirë të botës dhe rezultatet e tij në fushën e lojës, bënë që ai të kishte shumë oferta nga disa klubet më të mëdha në Europë.
Përfundimisht ai u transferua te skuadra e Interit në moshën 27-vjeçare, por aventura e tij në “San Siro” ishte totalisht zhgënjyese. Maqedonasi zhvilloi vetëm 19 paraqitje duke shënuar 3 gola. Ai më pas u huazua te skuadra e Leipzig në vitin 2014, ndërsa 1 vit më vonë Interi e shiti përfundimisht te Fortuna Düsseldorf.
“Gabimi im më i madh ishte bashkimi me Interin. Shkova te një ekip që kishte një atmosferë të keqe, një ekip që luajte në mbrojtje dhe si i huaj, ata më shikuan ndryshe, dhe unë mendoj se ata nuk ishin aq mbështetës sa unë të adaptohesha lehtësisht”.
“Por gabimi është i imi, sepse unë mund të kisha shkuar te ekipe si Real Madrid , Barcelona apo Manchester United , të cilët ishin gjithashtu të interesuar në atë kohë.” – ka thënë Darko Pancev për “Goal”.
