Trajneri i Liverpoolit, Jurgen Klopp, raportohet se ka kontaktuar me babanë e Kylian Mbappe, ndërsa “The Reds” kanë vendosur të rrisin interesin e tyre për yllin e PSG.
Lojtari francez, nuk ka dëshirë të nënshkruajë një zgjatje të kontratës me klubin nga Parisi, duke ngjallur zërat për një largim të mundshëm nga kryeqyteti francez.
Real Madrid ka qenë prej kohësh duke vëzhguar situatën e 21-vjeçarit te PSG, ndërsa tashmë interes të madh ka shfaqur edhe Liverpooli.
Së fundmi sipas raportimeve nga gazeta franceze, “Le10 Sport”, Klopp ka kontaktuar me të atin e futbollistit, Wilfried Mbappe, për të zbuluar më shumë rreth qëllimeve të djalit të tij për të ardhmen.
Mbappe u transferua nga Monaco te PSG në vitin 2017 për shifrën e 145 milion eurove dhe që nga ajo kohë, vlera e tij është rritur vazhdimisht e për pasojë të gjithë klubet e interesuar për të do të hasin vështirësi në tratativat për shërbimet e tij.
