Dy viktima, 126 të shëruar dhe 19 raste të reja është bilanci i COVID-19 në 24 orët e fundit në Maqedoninë e Veriut.
Autoritetet vendase të shëndetësisë bën me dije se në 24 orët e fundit janë realizuar 335 teste dhe 19 kanë rezultuar pozitivë me Covid-19, të shpërndarë sipas qyteteve: Shkup-3, Kumanovë-8, Prilep-2, Strugë-2, Veles-2, Gostivar-1, Vinicë-1.
Mësohet se kanë ndërruar jetë dhe dy pacientë të tjerë të infektuar me COVID-19 në spitalin “8 Shtatori”, duke e çaur në 61 numrin e viktimave nga koronavirusi në vend.
Një pacient 49-vjeçar nga Likova (Kumanova), i shtruar më 3 prill me vështirësi në frymëmarrje dhe gjatë gjithë kohës ka qenë në respirator, dhe një pacient tjetër 73-vjeçar nga Shkupi i shtruar më 19 prill në gjendje të rëndë.
Lajmi i mirë është se në 24 orët e fundit janë shëruar dhe 126 pacientë me COVID-19, një numër shumë herë më i lartë sesa i të infektuarëve.
Në total numri i pacientëve që kanë fituar betejën me koronavirusin në Maqedoni ka arritur në 500 persona.
