Alphonse Areola u huazua gjatë merkatos së verës nga PSG-ja te skuadra e Real Madrid-it me opsionin e blerjes përfundimtare.
Por duket se aventura e francezit te skuadra e Los Blancos nuk ka shkuar ashtu siç duhet. 27-vjeçari këtë sezon ka luajtur vetëm 3 ndeshje me skuadrën dhe ashtu siç raporton “AS”, Real Madrid nuk do ta blejnë kartonin e lojtarit dhe për pasojë Areola do të kthehet në Paris sapo të hapet merkato.
Vendin e Areolas si portier i dytë pas Thibaut Courtois te Real Madrid, pritet ta marrë Andriy Lunin, i cili aktualisht luan te Oviedo i huazuar nga klubi “Mbretëror”.
