Është vënë në pranga shoferi i kamionit, i cili aksidentoi për vdekje një 63-vjeçar teksa po udhëtonte me biçikletë, ditën e djeshme.
Burime zyrtare bëjnë me dije se është arrestuar shtetasi G.T.,44 vjeç, banues në Tiranë. Pas aksidentit ai u largua menjëherë nga vendngjarja por u vu në pranga një ditë më pas.
“Ky shtetas me datë 25.04.2020, në aksin rrugor Tiranë-Durrës, duke drejtuar mjetin tip kamion “Iveko”, ka aksidentuar shtetasin Xh.S., 63 vjeç, i cili për pasojë ndërroi jetë.” thuhet në njoftimin e policisë
Materialet i kaluan Prokurorisë së Rrethit Gjyqësor Durrës për veprat penale “Shkelja e rregullave të qarkullimit rrugor” dhe “Largim nga vendi aksidentit”.
