Është pezulluar nga detyra efektivi i policisë në Fier, i cili u përfshi në një sherr mbrëmjen e sotme, ku së bashku me një person tjetër dhunuar 23-vjeçarin Xhoen Osmenaj.
Burime zyrtare bëjnë me dije se drejtori i Përgjithshëm i Policisë së Shtetit ka pezulluar menjëherë nga detyra punonjësin e patrullës në Stacionin e Policisë Roskovec, shtetasin A. B..
“Sot, rreth orës 20:00, ky punonjës policie, jashtë orarit të shërbimit, në afërsi të sheshit qëndror të qytetit të Fierit, pas një konflikti për motive të dobëta, ka goditur me sende të forta automjetin e shtetasit Xh. O. dhe është konfliktuar fizikisht me të.
Pas ndërhyrjes së patrullës është bërë shoqërimi i menjëhershëm i shtetasit A. B. në Komisariatin e Policisë Fier dhe personave të tjerë të përfshirë në këtë ngjarje.” thuhet në njoftimin e policisë.
Grupi hetimor, në drejtimin e Prokurorisë së Fierit dhe SHÇBA-së, po kryen veprimet për zbardhjen e plotë të ngjarjes.
Ndërkohë, Drejtoria e Standardeve Profesionale në Policinë e Shtetit ka nisur hetimin disiplinor për shkelje të rëndë.
Dalin pamjet nga sherri në Fier, dy të rinjtë thyjnë xhamin e makinës dhe dhunojnë shoferin (VIDEO)
