13 raste me covid-19 në burgun 313 kanë alarmuar institucionet shqiptare të drejtësisë ku edhe kanë nisur hetimet.
Regjimi i ashpër i ‘41 bis’ është kthyer në vend strehimi për të paraburgosurit e prekur me Covid-19.
Të gjithë të paraburgosurit që rezultojnë pozitive janë transferuar në ambientet e regjimit të ashpër 41 bis.
Por menjëherë sapo u konfirmua pozitiv një shtetas italian aty, ka patur reagime edhe nga të paraburgosurit.
Burime të sigurta thonë se shërbimi i brendshëm i policisë së burgjeve ka referuar për hetime të mëtejshme 4 të paraburgosur: Redjan Rraja, Kejdi Sadushi, Arjan laçi dhe Besmir Ymeri.
Këta të fundit kanë kundërshtuar policinë, ku Redian Rraja, (i arrestuar si i akuzuar për atentatin ndaj prokurorit Ndoj) ka kundërshtuar policinë dhe ka kërkuar të digjej burgu, sepse sipas tij duhet të largohen të paraburgosurit me Covid-19.
Redian Rraja dhe bashkëpunëtorët e tij janë dërguar në izolim pas ngjarjes.
/ Top Channel /
