Elidon Kotorri ish-i dënuar me bùrgim të përjetshëm për 3 vrasje dhe 1 plagosje, por i liruar pak kohë më parë nga gjykata e Strasburgut, është shpallur sërish në kërkim nga policia.
Kotorri është shpallur në kërkim për akuzën e plagosjes dhe kanosjes. Sipas burimeve policore, pak ditë me parë në rrugën “Ali Demi”, ai dhe 2 persona ende të pa identifikuar kanë dhùnuar 2 vajza që po kalonin në rrugë.
Ndërkohë janë publikuar edhe pamjet e dhunës së Kotorri ndaj dy vajzave, ku siç shihet ai shtyn dhe kap prej flokësh të dyja vajzat.
Më pas, ndërhyn vajzat tjetër, të cilët ai e kap prej flokësh dhe e hedh në tokë. Vajza ngrihet në këmbë dhe i riu dhunues e godet me shkelm, duke e hedhur në mes të rrugës. Kjo skenë shokuese është filmuar në zonën e Ali Demit.
Pas mbërritjes në spital ku morën ndihmë mjekësore vajzat kanë treguar se punojnë në një market dhe pas mbylljes së tij “rreth orës 16 kanë qenë duke shkuar në shtëpi dhe në rrugë nuk ka pasur persona”. Vajzave u kanë folur 3 djem nga një makinë kafe me targa AA 562 JM. Kur vajzat kanë refuzuar ftesën ata i kanë dhunuar.
Oficerët e policisë të Komisariatit nr. 1 kanë këqyrur kamerat e sigurisë dhe kanë identifikuar mjetin i cili rezulton i marrë me qira nga një person. I thirrur në polici ai ka thënë se ia ka lënë në dorëzim Kotorrit mjetin. Në këto rrethana policia e ka shpallur në kërkim.
