Mali i Zi ka lehtësuar masat për lëvizjen e qytetarëve.
Njoftimi është bërë nga kreu i Insitutit të Shëndetit Publik Boban Mugosha.
“Lëvizja e qytetarëve u lejua deri në orën 23:00 të mbrëmjes, kurse dyqanet do të punojnë deri në orën 22:00 të mbrëmjes. Po ashtu u hoqën edhe masat e veçanta dhe kufizuese që ishin në fuqi prej 24 marsit për banorët e Komunës së Tuzit në Malësi”, sqaroi Mugosha.
Kujtojmë se Mali i Zi është një ndër shtetet që është prekur shumë pak nga COVID-19 në krahasim me vendet e tjera pasi deri më tani ka konfirmuar 320 të infektuar dhe 6 viktima.
