DJ Vicky, në një lidhje me “Shqipëria Live”, tregoi se si e përjetoi momentin kur mësoi se babai i tij, doktori Dhimitër Kraja, u infektua me koronavirus gjatë kohës kur po shërbente tek spitali Infektiv.
Ai tha se edhe pse e dinte që i ati ishte i infektuar kur e kishte parë lajmin në media, nuk e kishte përballuar mirë dhe ishte shqetësuar.
“Doktori është zjarr, është rikthyer prapë në punë, ka rreth 4-5 ditë që është rikthyer, madje që të hënën që kaloi dhe kohën e karantinës. Është rikthyer dhe po i shërben shqiptarëve. Isha njoftuar pak a shumë por kur doli nëpër media, kur e pashë lajm në televizor u shqetësova, më ra si bombë. nuk e di pse. Ishte një ndjesi shumë shokuese. Si gjithë mjekët që bëjnë betimin e Hipokratit edhe babai im që ka shërbyer 40 e kusur vjet është partizan i betuar i Mjekësisë,”- ka treguar Viki.
Kujtojmë që doktori Dhimitër Kraja iu bashkua kolegëve të tij pasi kishte dalë në pension për të ndihmuar në trajtimin e të prekurve me COVID-19, në spitalin Infektiv, ku dhe u infektua nga koronavirusi.
