Dy viktima të reja janë shënuar në Maqedoninë Veriut nga COVID-19, duke e çuar në 59 numrin në total të të vdekurëve në vend.
Shifrat u raportuan nga autoritete vendase të shëndetësisë në daljen e tyre të përditshëm, të cilat bën me dije se një nga viktimat ishte nga Gostivari dhe tjetri nga Shkupi, të cilët ishin dhe me sindromën Daun.
Mediat vendase kanë mësuar se sot ka ndërruar jetë dhe një person tjetër, nga grupi i pacientëve më kritikë nga Kumanova, por ai do të regjistrohet në raportin e nesërm të Ministrisë së Shëndetësisë.
Në 24 orët e fundit, janë zbuluar dhe 41 raste të reja pozitive me koronavirusit nga 728 teste të kryera. Shumica e rasteve të reja janë në Shkup – 17, nga 8 raste Kumanova dhe Prilepi, katër në Tetovë, dy në Veles dhe një në Strugë dhe Manastir.
Numri i përgjithshëm i të infektuarëve në Maqedoninë e Veriut ka arritur në 1.367.
Ministria e Shëndetësisë tha se kishte anuluar një tender për të blerë 31 respiratorë. Të dy kompanitë që fituan tenderin raportuan se ata nuk ishin në gjendje t’i dorëzonin respiratorët sipas kontratës. Prokurimi publik do të anulohet dhe rishpallet.
Së fundmi, Maqedonia e Veriut ka marrë 12 respiratorë nga BE-ja, dhe aktualisht ka rreth 130 në dispozicion.
Statistikisht, 11 pacientë janë të lidhur me respirator, dhe kapacitetet janë të plotësuara me 10%.
