Është zbardhur ngjarja e mbrëmjes së djeshme në qytetin e Korçës, ku mbeti i vrarë me thikë 67-vjeçari Perikli (Petrika) Treska.
Burime zyrtare bëjnë me dije se është arrestuar fqinji i viktimës si autor i dyshuar i ngjarjes.
Në pranga është vënë shtetasi A. B., 65 vjeç, banues në Korçë, për veprën penale “Vrasja me dashje”.
“Nga veprimet e para hetimore të kryera, dyshohet se ngjarja ka ndodhur për motive të dobëta. Në cilësinë e provës materiale është sekuestruar mjeti prerës (thikë), i përdorur në krim nga autori i dyshuar A. B.” thuhet në njoftimin e policisë.
Materialet i kaluan Prokurorisë të Rrethit Gjyqësor Korçë për veprime të mëtejshme.
