Dy persona janë vënë në pranga nga policia e Vlorës, pas informacioneve të marra kjo e fundit nga pala greke, për një mjet lundrues të vjedhur në shtetin fqinj dhe dyshohej se do trafikohej drejt Shqipërisë.
Në pranga janë vënë shtetasit D. S., 43 vjeç dhe P. K., 25 vjeç, banues në Vlorë.
“Strukturat e Policisë Kufitare dhe Delta Forcë, nën drejtimin e QNOD Durrës, Rojës Bregdetare Vlorë dhe në bashkëpunim me shërbimet e DVP Vlorë, bënë të mundur, në zonën e Karaburunit, pranë vendit të quajtur “Kepi i Gjuhëzës”, bllokimin e mjetit lundrues, si dhe të dy personave që ndodheshin në bord. Nga këqyrja e mjetit lundrues tip gomone me 2 motorë (9 m e gjatë), nuk është konstatuar asnjë material apo send i kundërligjshëm.” thuhet në njoftimin e policisë.
Materialet iu referuan Prokurorisë së Vlorës, për veprime të mëtejshme, për veprën penale “Trafikimi i mjeteve motorike”, kryer në bashkëpunim.
