Futbollisti i Kombëtares së Kosovës dhe Fenerbahces, Vedat Muriqi, feston sot ditëlindjen e tij të 26-të dhe bashkëshortja e tij e shfrytëzoi këtë rast për të treguar edhe se është shtatzënë sërish.
Bashkëshortja e sulmuesit shtatlartë, Edibe Muriqi, e postoi një fotografi në llogarinë e vet në Instagram përkrah bashkëshortit dhe fëmijës së tyre të parë, përderisa e dha edhe lajmin e madh.
“Urime ditëlindjen dhe jam e lumtur të të kem ty baba të fëmijëve të mi. Ne të duam ty shumë”, shkroi bashkëshortja e Muriqit.
Vedat Muriqi po kalon një formë fantastike me Fenerbahcen dhe kjo nuk kaluar pa u vënë re pasi raportohet se Tottenhami dhe Lazio janë të interesuar për shërbimet e tij.
