Alvaro Morata ka emëruar tre mbrojtësit më të ashpër me të cilët është përballur në karrierën e tij. Me dy prej tyre Moratta ka luajtur, me Ramos-in te Real Madrid dhe Chiellinin tek Juventusi.
Ndërsa mbrojtësi i tretë me të cilin spanjolli ka hasur vështirësi në lojë është Virgil Van Dijk të cilin e konsideron si një “shkëmb”.
“Chiellini, nuk e di nëse e bën atë me qëllim, por kur ai më takon mua, gjithmonë më shkatërron. Sergio Ramos gjithashtu është një mbrojtës i ashpër, ndërsa kur shkoni kundër Van Dijk, duket sikur ke goditur malin”, ka shtuar ai për AS.
Morata këtë sezon me fanellën e Atletico Madrid në La Liga, ka shënuar 8 gola në 23 paraqitje.
