Amir Rrahmani ka shkëlqyer në vitin e tij debutues në Serie A me skuadrën e Veronës. Ndeshjet e mira bënë që Rrahmani të transferohej gjatë merkatos së janarit te Napoli, edhe pse ka mbetur i huazuar te Verona deri në verë.
Rrahmani do t’i bashkohet Napolit nga muaji korrik, dhe do të lërë një boshllëk të madh në mbrojtjen e verdhekaltërve.
Megjithatë duket se trajneri kroat i Veronës, Ivan Juric, ka piketuar sërish një shqiptar për të zëvendësuar 26-vjeçarin nga Prishtina dhe ai është Ardian Ismajli, mbrojtësi i kombëtares shqiptare.
Gazeta kroate Sportklub.hr, ka raportuar se deri më tani nuk ka ofertë zyrtare, mirëpo Verona ka treguar interesim për mbrojtësin dhe shihet si një mundësi e mirë transferimi i tij në Serie A.
Juriç, e pëlqen shumë mbrojtësin i cili ka shkëlqyer me Hajduk Splitin në dy vitet e fundit.
